O 112 Galicia recibiu a alerta dun choque entre dous coches no termo coruñés de Rois no que unha persoa tivo que ser liberada. O accidente sucedeu na DP-3302, concretamente no punto quilométrico 4.
Para acceder á persoa atrapada, os efectivos do GES de Padrón utilizaron o material de excarceración.
Ademais, o persoal do CIAE 112 Galicia requiriu a intervención, despois de recibir o aviso a través de Urxencias Sanitarias de Galicia-061, dos axentes da Garda Civil de Tráfico, da Agrupación de Voluntarios de Protección Civil de Rois, dos Bombeiros de Boiro e do servizo de mantemento da estrada.
