ABAS e o Concello da Pobra convocan o terceiro Concurso de Relatos Breves Historias de Mulleres

17 Outubro 2020

A Asociación Barbancesa de Axuda e Solidariedade (ABAS) e o Concello da Pobra do Caramiñal convocaron a terceira edición do Concurso de Relatos Breves Historias de Mulleres, un certame dirixido a visualizar reivindicar narracións en clave feminina a través do talento creativo das nosas autoras e autores. O dito certame está dirixido a persoas a partir dos 12 anos de idade e o prazo de presentación remata no día 12 de novembro de 2020.

Estabelécense para o citado concurso catro categorías: unha adolescente, dirixida a persoas de entre 12 e 16 anos de idade; outra xuvenil, para persoas de 16 a 30 anos de idade; a categoría adulta, para persoas de máis de 30 anos e a categoría diversa, dirixida a persoas con discapacidade de máis de 16 anos e convidadas dende a organización (terase en conta a idade no último día do prazo de presentación).

Segundo se especifica nas bases, os traballos deberán ser en galego, orixinais e inéditos, cunha extensión máxima de 1.000 palabras e cunha temática que trate sobre a violencia en todas as súas expresións exercida sobre as mulleres, a igualdade ou as liberdades e diversidades sexuais.

Os traballos deberán ser enviados á Asociación Barbancesa de Axuda e Solidariedade (ABAS), ao enderezo electrónico coordinador.abas.asoc@gmail.com Nun documento, en formato PDF, enviarase o citado traballo, que virá asinado cun pseudónimo ou alcume (deste xeito garántese que o xurado descoñeza a autoría); noutro documento, en formato PDF ou Word, achegarase o nome do traballo, nome e apelidos, documento de identificación, data de nacemento, enderezo electrónico, enderezo postal e teléfono.

O xurado estará formado por catro persoas con coñecementos en materia de xénero e literatura.

Os premios serán os seguintes:

– Categoría diversa: 1º premio, un vale de 90€ nos comercios da Pobra do Caramiñal e 2º premio de 60€ nos comercios da Pobra do Caramiñal e mais un lote de libros da Fundación Barrié.

– Categoría adulta: 1º premio, un vale por valor de 150€ nos comercios da Pobra do Caramiñal e mais un lote de libros da Fundación Barrié.

-Categoría xuvenil: 1º premio, un vale por valor de 150€ nos comercios da Pobra do Caramiñal e mais un lote de libros da Fundación Barrié.

-Categoría adolescente: 1º premio, un vale de 80€ nos comercios da Pobra do Caramiñal e mais un lote de libros da Fundación Barrié; 2º premio de 40€ nos comercios da Pobra do Caramiñal e mais un lote de libros da Fundación Barrié.

Outros artigos

A V Bandeira de Bateis Concello da Pobra disputarase no 31 de marzo

Este 31 e marzo disputarase finalmente a quinta edición da Bandeira de Bateis Concello da Pobra, feminina e masculina. Trátase dunha proba organizada polo Club Remo Pobra (Club Remo Puebla) co patrocinio da Concellaría dos Deportes, ademais da colaboración da...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...