Este venres estrearase en Ribeira e noutras 15 salas de cines de Galicia” A illa das mentiras”, a ópera prima da directora Paula Cons. O thriller está inspirado no naufraxio do vapor-correo Santa Isabel, ocorrido en 1921 fronte ás costas de Sálvora.
A película está protagonizado por Nerea Barros, Darío Grandinetti e Aitor Luna.
A película, tal como publicamos en O Barbanza, foi estreada en Arxentina o pasado 14 de maio na plataforma online do “Instituto Nacional de Cine e Artes Cinematográficos” de Argentina “. Durante o seu primeiro mes de proxección foi a película máis descargada con máis de 70.000 visualizacións. Foi proxectada recentemente en diversos festivais, como o de San Sebastián, o de Shanghái, o de Ourense e o de Cans.
En España estreouse o pasado 24 de xullo na plataforma Filmin.es, a canle online máis prestixiosa do cinema independente .
A película será estreada en circuito comercial o próximo venres día. En Ribeira será proxectada nos Multicines Barbanza onde se poden comprar desde xa as entradas.
A película “A Illa das mentiras” dirixida por Paula Cons, utiliza como base do seu argumento o naufraxio do vapor-correo Santa Isabel acontecido o 2 de xanero do 1921 e do que se van cumprir 100 anos. Neste tráxico suceso morreron 213 persoas e salvaronse 53.
Aínda que arranca en Sálvora durante o naufraxio, o argumento é unha ficción novelada que non narra os feitos reais do acontecido aínda que os usa como referencia.
