Un veciño de Ribeira e outro da Pobra comparecerán o día 6 de novembro como acusados na Audiencia Provincial para responder por delitos de tráfico de estupefacientes, polos que o Ministerio Fiscal solicita catro anos de cárcere para cada un deles.
Ambos os xuízos celebraranse a próxima semana, e no primeiro xulgarase a un ribeirense que o 13 de setembro do 2018 foi sorprendido pola Policía Nacional cando circulaba pola avenida do Malecón.Tras rexistrarlle o seu vehículo, localizáronse 15 bolsitas con 2,2 gramos de cocaína, 18 dose con 2,3 de heroína, un teléfono móbil e 382 euros en metálico. O valor da mercadoría no mercado podería roldar os 1.000 euros.
Na outra vista xulgarase como posible autor dun delito contra a saúde pública a un pobrense o que Garda Civil de Boiro atopou 21 bolsitas de cocaína cun peso de 3,35 gramos, así como unha balanza de precisión, un caderno de anotacións e 980 euros procedentes da venda de drogas a terceiros.
