A conselleira do Mar participou nun treito da andaina solidaria de CONGALSA

09 Outubro 2020

Ao abeiro da súa marcada vertente solidaria, a empresa pobrense CONGALSA impulsou este ano, malia os condicionantes da COVID, unha nova edición da súa andaina solidaria pola comarca, unha iniciativa deportiva, lúdica e de responsabilidade social corporativa que a empresa de produtos de mar desenvolve cada pouco na compaña dos seus traballadores, reivindicando paisaxe e solidariedade. Este ano a andaina veu marcada pola viraxe ao dixital, co fin de convocar ao máximo cantidade de voluntarias e voluntarios ao tempo que se garante a máxima seguridade sanitaria. De xeito complementario, parte do equipo da empresa comprometeuse a poñer as botas de camiñar e botarse ao monte. Fixérono na compaña da conselleira do Mar, Rosa Quintana, quen apoiou a andaina solidaria realizando un treito do percorrido. Canda ela participaron membros do equipo directivo de CONGALSA.

A conselleira e o seu equipo realizaron o traxecto comprendido entre o Monte do Gozo, en Santiago, e o edificio administrativo de San Caetano.

A iniciativa, que se está a desenvolver de maneira graduada, evita deste xeito a concentración de persoas no mesmo punto nun contexto como o actual, “marcado pola incidencia da COVID-19”, informou CONGALSA, lembrando que se ben estaba previsto inicialmente que a andaina rematase o 15 de outubro, decidiuse estender a iniciativa até o 31 de outubro “debido ao gran volume de participantes”. De feito, até a data máis de 250 persoas xa se inscribiron e están a implicarse na mesma.

Quinta edición

Trátase da quinta edición desta iniciativa benéfica que busca recadar fondos para destinar, a través de ONG locais, ás familias máis necesitadas do Barbanza (especialmente ás máis afectadas pola pandemia).

Os interesados en participar deben inscribirse a través do sitio web galitiming.com. Nas catro edicións anteriores, a cota de inscrición era 1 quilogramos de alimentos, pero nesta convocatoria para poder cumprir cos protocolos Covid, fixouse unha cota solidaria de tres euros.

Outros artigos

Todo preparado na Pobra para 16ª edición da Volta a Ons

A Pobra do Caramiñal, a través do Club Náutico Arousa Norte, comezou a conta atrás para a 16ª edición da Volta a Ons. A clásica regata que organiza o Club Arousa Norte, puntuábel para a Copa Xunta de Galicia, conta co patrocinio do Clínica Dr. Gonzalo López e de...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...