Falece unha muller de 87 anos que estaba ingresada no CHUS, estaba infectada por coronavirus e presentaba patoloxías previas.
A área sanitaria de Santiago e Barbanza realiza entre hoxe e mañá un cribado diagnóstico a preto de 1.000 estudiantes da USC nos colexios maiores e residencias de estudiantes con maior número de residentes en Santiago.
Esta decisión foi tomada na reunión do Comité Clinico de onte para actuar dun xeito precoz fronte á trasmisión de casos entre estudiantes.
Trala recollida do censo e a organización dos equipos,
trasladáronse 3 equipos de enfermería aos primeiros centros para realizar a toma de mostras para as PCR’s. O screening continuará mañá xoves.
Así mesmo, Sanidade avanzou que está traballar na elaboración dun novo protocolo de cara ao vindeiro Día de defuntos.
O secretario xeral do Sergas, Alberto Fuentes, enumerou algunhas das limitacións establecidas onte polo Comité clínico sobre a limitación a grupos de até 10 persoas en toda Galicia, o que repercute en academias e centros con outras actividades de formación non regrada, a animación nos hoteis, bibliotecas e arquivos, actividades en ximnasios ou centros semellantes, actividades turísticas e de tempo libre e locais de xogo e apostas, entre outros.
Todas estas medidas, publicaranse hoxe no Diario Oficial de Galicia, e entrarán en vigor dende as 00:00 horas desta medianoite.
Pola súa banda, o xerente do Sergas, José Flores, puxo o foco en que nestes intres, está garantida a capacidade asistencial nos centros sanitarios galegos, lembrando que é preciso adoptar estas medidas coa anticipación suficiente, para poder garantir o servizo sanitario en todas as áreas.
No transcurso da rolda de prensa, na que tamén participaron os membros do Comité clínico, Sergio Vázquez e Tato Vázquez Lima, reiterouse a necesidade de cumprir a totalidade das medidas hixiénico-sanitarias establecidas, apelando á responsabilidade individual á hora de celebrar xuntanzas, solicitando a colaboración do conxunto de universitarios e universitarias galegas neste particular.
