Nas últimas horas os hospitais galegos notificaron seis novos falecidos o eleva o número de vítimas mortais pola Covid-19 en Galicia a unhas 746 persoas.
As vítimas son unha muller de 90 anos ingresada no Hospital de Verín, que procedía da residencia Santa María; un home de 76 anos que permanecía no Complexo Hospitalario Universitario de Ourense e unha muller de 89 anos que estaba ingresada no CHOP. Así mesmo, dous homes de 66 e 87 anos faleceron no Complexo Hospitalario da Coruña, e outro home de 89 anos no HM Modelo Belén. Todos presentaban patoloxías previas, salvo este último caso.
