O Goberno galego decidiu estender as restricións sanitarias debido ao incremento de casos e os brotes de COVID-19 detectados no territorio. Estas medidas de contención extenderanse aos municipios de Ourense, Santiago, Santa Comba, Carballo e A Laracha.
A medida foi confirmada polo conselleiro de Sanidade, Jesús Vázquez Almuiña, nunha comparecencia pública tras participar na reunión do comité de expertos que asesora á Xunta sobre a evolución da pandemia. Tamén sinalou que estas medidas levantaranse en Abegondo, Bergondo, Carral e Sada.
As reunións deberán limitarse a un máximo de 10 persoas e aplicarase unha redución de aforos en locais de hostalería de ata o 50 por cento, tanto en interior como en terrazas, que non poderán ofrecer servizo en barra. A limitación de usuarios afectará ademais a lugares de culto e velorios e pecharán residencias e centros de día.
