Un restaurante da Pobra pechou as súas portas despois de que unha traballadora dese onte positivo en coronavirus. A moza xa se atopaba en corentena desde o pasado xoves e contaxiouse por un familiar que resultara afectado no brote detectado hai unhas semanas nunha empresa da Pobra.
A principios da fin de semana a traballadora comezou a ter síntomas compatibles co coronavirus, polo que o domingo practicóuselle unha PCR, que confirmou que tiña o virus.
Desde o restaurante puxéronse en contacto coa Consellería de Sanidade que xa estableceu os protocolos para seguir, poñendo en corentena ás 12 persoas que forman parte do persoal. Fontes do restaurante dixo que os clientes que estiveron no establecemento nos últimos días non teñen que seguir ningún tipo de protocolo específico, xa que a Consellería non os considera de contacto directo. Co positivo desta traballadora son xa 17 as persoas afectadas na Pobra, das que nove serían traballadoras dunha empresa e o resto familiares directos.
