Os Bolechas fomentan o uso responsábel do 112 nunha nova web

23 Setembro 2020

A Axencia Galega de Emerxencias (AXEG) puxo a disposición de estudantes e mestres unha web desde a que poden descargar unidades didácticas e participar en xogos para familiarizarse co uso e cos servizos do número 112. Con esta acción, preténdese “aumentar as capacidades dos cativos e das familias para saber reaccionar ante unha situación de verdadeira urxencia e adoptar as medidas de protección pertinentes”. A web vén acompañada dos integrantes da familia galega máis popular do ámbito audiovisual e da banda deseñada: Os Bolechas.

A ligazón, á que se pode acceder desde a web da AXEGA e dende a dos Bolechas, achega material de utilidade para o traballo na aula ou na casa, xogos, actividades e unidades didácticas sobre como identificar unha emerxencia, como facer que a chamada ao 112 sexa áxil e efectiva co fin de acadar a resposta máis axeitada posíbel, como se organiza a atención telefónica de emerxencias en Galicia e os recursos de intervención dispoñíbeis. Ademais, inclúese material para a aprendizaxe dos primeiros coidados cando a situación non require de medios especializados, así como cal debe ser o noso comportamento e medidas de protección ante emerxencias de risco vital.

Outros artigos

Domingo, véspera de San Xoán con sol e calor chegando ós 30 graos

Influencia anticiclónica sobre Galicia durante o domingo. Teremos ceos despexados na metade sur e con intervalos de nubes baixas na metade norte, máis compactas no litoral. Posibilidade de bancos de néboa matinais en zonas de interior. As temperaturas experimentarán...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....