Usuarios e usuarias da Unidade de Atención a Drododependencias (UAD) ribeirense tiveron ocasión de degustar, no mediodía deste mércores 30 de setembro, os produtos realizados nun almorzo solidario polos integrantes do obradoiro gastronómico de emprego O Pote: unha acción que tivo lugar nas instalacións da Escola Municipal de Hostalería situada no segundo andar do mercado.
As receitas, elaboradas seguindo as indicacións do profesor Patxi Mobilla, incluíron diversos pratos con materias primas naturais tales como froitas, xamón, queixo ou zumes.
Xunto á comunidade de usuarios da UAD estivo o seu profesor de carpintería, Manuel Casais, ademais dos concelleiros de Servizos Sociais e de Promoción Económica, Ana Ruiz e Ramón Doval.
