O espectáculo Titiricircus, de Tanxarina Teatro, chega este domingo a Lousame

08 Setembro 2020

A praza do Concello de Lousame acollerá este domingo 13 de setembro, ás 19:00 horas, a posta en escena de Titiricircus, un espectáculo familiar de monicreques de Tanxarina Teatro. Trátase dunha iniciativa de balde organizada polo Concello de Lousame, en colaboración coa Rede de Dinamización Lingüística da Xunta de Galicia.

Segundo informa o Concello, Titiricircus é a obra máis representativa de Tanxarina Teatro, con máis de 1.200 representacións ás súas costas. Durante unha hora, Eduardo Rodríguez e Miguel Borines poranse na pel de dous vellos traballadores do circo que lembran, a través de monicreques con fíos, as glorias do seu pasado na pista.

A actuación terá lugar seguindo todos os protocolos de seguridade sinalados polas autoridades sanitarias, mantendo a distancia de seguridade entre os asistentes, que deberán asistir provistos das correspondentes máscaras.

Outros artigos

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...