Finalmente as prazas para o Curso de Deseño e Impresión 3D que organiza o Concello da Pobra do Caramiñal, a través da Concellaría da Mocidade e Tecelán, foron esgotadas en tempo récord, o que demostra novamente o interese que xeran as novas tecnoloxías dixitais, na súa vertente máis creativa, para ampliar coñecementos e reforzas currículos. En concerto, as vacantes esgotáronse en menos de vinte e catro horas as dez prazas ofertadas. A proposta publicouse no luns desta semana e na mañá de onte xa estaba completa a ocupación.
A acción formativa, destinada para tódalas idades, desenvolverase no Fab Lab da Casa da Mocidade os días 5, 12 e 19 de setembro, en horario de 10.00 a 14.00 horas.
O Concello informou de que “en vista do resultado”, estase avaliando a posibilidade de ampliar a oferta con novas edicións en datas próximas. En consecuencia, as persoas interesadas poden continuar anotándose de balde a través do teléfono de contacto 981843281 ou dos enderezos electrónicos alcaldia@apobra.gal e correo@apobra.gal. Deste xeito, seguirase configurando unha listaxe de participantes para o próximo curso e, unha vez se establezan os días, comunicar a dita información ás persoas inscritas.
