O Centro Social de Cabo de Cruz acolle durante o mes de setembro unha mostra de pintura, Paixón Agochada, de Fran Gess, que vai estar na sala de exposicións durante todo o mes. A apertura oficial da mostra está prevista para este martes día 1 de setembro, ás 19.30 horas, na sala de exposicións do Centro Social de Cabo de Cruz. Á inauguración vai asistir a concelleira de Cultura, María Outeiral, que tamén presentará a programación de actividades culturais do mes de setembro.
A mostra poderá verse desde o día 2 de setembro, e durante todo o mes, no Centro Social de Cabo de Cruz, en horario de luns a venres de 9.00 a 14.00 horas.