O Concello de Boiro pon a punto as súas escolas da Galiña Azul

03 Setembro 2020

A concelleira de Política Social de Boiro, Marisa Collazo, visitou as instalacións da Galiña Azul do Saltiño para coñecer de primeira man as obras de mantemento que os operarios municipais están a realizar nas dependencias. A edil recoñeceu estar en contacto coas direccións das súas escolas Galiña Azul do termo municipal para ter coñecemento directo das súas necesidades de cara ao inicio inminente do curso escolar.

Segundo puido saber, os operarios están a realizar labores de pintado das aulas e zonas comúns, algúns arranxos de carpintería e outras tarefas de acondicionamento tanto interiores como exteriores. Estes traballos veñen da man do Concello de Boiro con fondos e persoal propio.

Marisa Collazo quixo visitar estes días as instalacións para reunirse co persoal do centro e, tamén, verificar o desenvolvemento dos protocolos e normas de seguridade para a prevención da COVID-19. “Desde a concellería de Política Social do Concello de Boiro seguimos traballando por manter as instalacións das que dispoñemos e seguimos traballando tamén na mellora de servizos para ampliar prazas e cubrir toda a demanda”, afirmou a concelleira.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión