O próximo mércores 30 de setembro desconectaranse as antigas frecuencias da TDT en Galicia.
A partir do día 1 as canles da TVG, TVG2 e as de HD da canle autonómica, así como as portadoras da Radio Galega, Radio Galega Música e Son Galicia Radio pola TDT que se sintonizan por Pontevedra, cambiarán e pasarán á nova frecuencia a 37. Este cambio afectará as antenas dos concellos de Ribeira, A Pobra, Boiro, Rianxo e Dodro que reciben o sinal por Domaio.
Se vive nunha casa pode facelo pola súa conta. Só ten que resintonizar a canle da súa televisión de modo automático ou manual. Se vive nun edificio a Comunidade debe contactar cunha empresa instaladora autorizada para adaptar a antena colectiva, despois terá que resintonizar o seu televisor.
O goberno dispuxo de axudas para sufragar o gasto do cambio de antena no seu edificio de ata 260,75 euros. Pode informarse no 910 88 98 79, www.tdtgalicia,gal.
