O Centro Social de Cabo de Cruz acolle durante o mes de setembro unha mostra de pintura, Paixón Agochada, de Fran Gess, que vai estar na sala de exposicións durante todo o mes. A apertura oficial da mostra celebrouse este martes día 1 de setembro, ás 19.30 horas. Asistiron o propio artista e a concelleira de Cultura, María Outeiral.
Fran Gess é un creador boirense que comezou no mundo do debuxo e a pintura de maneira autodidacta, recibiu clases e presentouse a varios certames. Conta cunha gran cantidade de obras que agora saca á luz por primeira vez baixo o nome de Paixón Agochada. A mostra recolle imaxes de diversas temáticas, pero son predominantes os motivos mariñeiros e as paisaxes que teñen o mar como protagonista. Unha parte das pezas en exhibición viu a luz a durante o confinamento.
A mostra poderá verse desde o día 2 de setembro, e durante todo o mes, no Centro Social de Cabo de Cruz, en horario de luns a venres de 9.00 a 14.00 horas.
