Esperanza Mara ofrece un obradoiro de música e xogo en Lousame o venres 18

14 Setembro 2020

O Concello de Lousame organiza o obradoiro Xogando coa música, dirixido a nenos e nenas do municipio maiores de 3 anos e que está previsto para este venres 18 de setembro, ás 19:00 horas, na Casa da Cultura. O Goberno local sinala que a participación é de balde, se ben é preciso anotarse previamente na propia Casa da Cultura ou chamando ao 981 825 780.

A actividade Xogando coa música é un obradoiro de sesións de dinamización con música, teatro e danza dirixido por Esperanza Mara. Durante uns 45 minutos, a soprano e violonchelista noiesa compartirá coa rapazada de Lousame os sons do noso día a día, ao tempo que lles descubrirá as distintas familias de instrumentos musicais. A cita está recomendada especialmente para nenos e nenas entre os 3 e os 6 anos de idade, canda as súas familias.

Este é o segundo obradoiro que ofrece Esperanza Mara en Lousame, despois do éxito acadado o ano pasado con Expresarte: música + diversión, organizado pola Asociación Galega de Heteroplasia Ósea Progresiva (ASGPOH), en colaboración con EmanArte e o Concello de Lousame.

Outros artigos

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...