A Fundación Paideia Galiza desenvolveu este verán no Centro Social de
Boiro un curso de Industria Musical para a Produción de Festivais Musicais. O alcalde de Boiro, José Ramón Romero, visitou esta mañá ao alumnado que
participa xunto coa xerente da asociación Deloa, Paca Gago.
O curso, que está a piques de rematar, comezou no mes de xullo e
realizouse en Boiro e tamén na Pobra. A actividade, destinada a mocidade
entre os 16 e 29 anos inscritos en garantía xuvenil, está cofinanciado polo
Fondo Social Europeo; o Ministerio de Industria, Comercio e Turismo; e a
Asociación de Desenvolvemento Local Deloa. Nel os asistentes aprenderon
sobre o proceso de xestión dun evento musical, dende a programación,
contratación, marketing para difusión…
Ademais o alumnado recibe formación individual para adquirir
competencias xenéricas á hora de saír ao mercado laboral, para favorecer o
seu desenvolvemento persoal e potenciar as súas competencias individuais. O alcalde tivo oportunidade esta mañá de conversar co alumnado que vai finalizar nos vindeiros días este curso de formación e de comprobar os avances que deron na produción de festivais musicais.
