CRMHBarbanza presenta este xoves unha unidade didáctica para ESO e Bacharelato

23 Setembro 2020

O xoves 24 de setembro ás 20.00 horas e no andar superior do Auditorio de Ribeira, a Comisión pola Recuperación da Memoria Histórica do Barbanza (CRMHBarbanza) presentará unha unidade didáctica para dar a coñecer entre as novas xeracións de estudantes importantes feitos do noso pasado pendentes de ser recuperados e reivindicados, relativos á Segunda República e á Guerra Civil nos consellos de Barbanza e da ría de Muros e Noia.

Esta proposta didáctica elaborada por José Antonio Pérez Fernández, profesor de Xeografía e Historia no IES Leliadoura, está concibida para traballar tanto na ESO coma no Bacharelato, ofrecendo ao profesorado “unha ferramenta interesante con documentos historiográficos, arquivísticos e testemuñas orais”, en palabras da comisión, que lembra que a portada e contraportada da unidade foi elaborada por Mónica Montero. No acto, no que se gardarán todas as medidas de seguridade, repartirase a proposta didáctica entre os centros de ensino da nosa contorna.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...