Clausura do campamento de conciliación da Pobra

09 Setembro 2020

Hoxe chegou á súa fin o campamento de conciliación que se estivo desenvolvendo ao longo de todo o verán e ata a véspera do inicio do curso escolar. Para tal ocasión, os pequenos e pequenas realizaron diversas actividades como, por exemplo, ve-la película de Coco e face-la maqueta dun rinoceronte. O dito servizo prestouse no C.E.P.
Salustiano Rey Eiras, posto en marcha por quinto ano a través da Concellaría da Igualdade do Concello da Pobra do Caramiñal. Ademais, incluíu o Servizo de Madruga e comedor para lles dar maiores facilidades ás familias usuarias.
No que respecta ao seu funcionamento, este campamento, o cal durante toda a época estival contou con 65 nenos e nenas, non se limitou unicamente á localidade, pois tamén puideron facer uso del familias de municipios limítrofes e, incluso, aquelas que viñeron gozar da comarca.
Xunto coas cinco monitoras e o coordinador, os cativos e cativas, con idades
comprendidas entre os 3 e 12 anos, desenvolveron diversas actividades cunha vertente educativa e lúdica adaptada a cada rango de idade.
Cómpre lembrar que, a maior parte do tempo, sempre que a climatoloxía o
permitía, as propostas estaban focalizadas en aularios exteriores para evitaren permanecer en espazos pechados por mor do coronavirus. Unicamente se desprazaban ao interior do centro educativo para faceren uso da Internet e das tablets. Estes 20 dispositivos adquiridos pola Administración local permitíronlles socializar a través de xogos de mesa e de lóxica, todos eles virtuais.
Seguindo o protocolo de seguridade establecido por mor da COVID-19
empregouse en todo o momento a máscara e mantívose a separación.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...