Na área sanitaria de Santiago-Barbanza rexistra 637 casos activos, nove máis que onte. Hospitalizados hai 30, tres máis que onte no Hospital Clínico de Santiago (4 deles en Unidades de Críticos). Os pacientes curados elevanse a 2.718, realizaronse 65.427 PCR. En Santiago houbo onte 43 novos diagnósticos, un leve incremento dentro dunha tendencia lixeiramente á alza.
En Galicia segundo o parte diario da Consellería de Sanidade as persoas curadas chegaron a 16.758, o que implica que se deu de alta a outros 233 pacientes de COVID-19. En canto aos falecementos, nas últimas 24 horas producíronse outros cinco e o total de vítimas da pandemia ascendeu a 715.
Así, os casos activos de COVID-19 –é dicir, o número de persoas que contan coa enfermidade– reportados este domingo descendeu en 15, polo que o total colócase en 4.350.
Pontevedra mantén o seu perigoso ascenso de casos activos. Son 188 máis en só unha semana. Esta área é a terceira máis afectada de Galicia e de seguir así pronto superará a Lugo.
En concreto, os datos de Sanidade indican que cinco das sete áreas sanitarias da Comunidade rexistran unha subida no número de casos activos.
