Arrinca este mes de outubro o programa sonense de vela infantil

28 Setembro 2020
O regatista olímpico Iago López Marra

O Real Club Náutico de Portosín e o Concello de Porto do Son van achegar á rapazada local, de maneira conxunta, un completo programa formativo de navegación a vela. Farano esta tempada (a partir deste mes de outubro) a través da Escola Deportiva de Optimist de Porto do Son, destinado a nenas e nenos de idades comprendidas entre os 8 e 12 anos. O programa de vela infantil vén apadriñado polo regatista local Iago López Marra (deportista olímpico vencellado ao Club Náutico de Portosín) e ten entre os seus obxectivos tirar proveito “das magníficas condicións que ofrece a ría de Muros e Noia para a navegación en optimist, e non só como actividade vacacional”.

A respecto de todo o devandito, a organización vén da informar das cotas finais da escola, que vén cunha oferta especial para o primeiro mes (que será de balde) e cunha tarifa posterior regular de 38 euros, que inclúe a posta a disposición das e dos novos navegantes de embarcación, chaleco e adestrador.

A actividade ofrece aos seus integrantes a posibilidade de comezar no deporte da vela e pasar a formar parte dos equipos de optimist onde “miles de rapaces en todo o mundo aprenden a coñecer o mar e desenvolver as habilidades técnicas para o manexo das diferentes embarcacións e diferentes situacións”.

Os horarios que se poden escoller son 15.30 a 18.30 horas os venres ou de 11.00 a 14.00 horas os domingos.

Segundo engadiron as entidades organizadoras, a experiencia, malia ser en si mesma unha actividade moi axeitada para garantir a seguridade sanitaria dos participantes (é unha práctica deportiva distanciada en esencia, co engadido extra de desenvolverse ao aire libre e en espazos naturais), virá acompañada de medidas para garantir a saúde e a protección das e dos participantes.

Quen desexe máis información sobre a iniciativa pode chamar ao teléfono 981 766 583.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...