O Concello de Rianxo informa da apertura (este luns) do prazo de inscrición para que as persoas interesadas en obter o título de Graduado en Educación Secundaria poidan comezar a prepararse a través dun programa formativo específico. As inscricións para asistir ás actividades docentes, dirixidas á poboación adulta do termo municipal, poden facerse xa no Centro Social Liceo de Rianxo, entre o 14 de setembro e o 9 de outubro, en horario de 10.00 a 14.00 horas.
Os requirimentos para participar no programa son os seguintes: ter cumpridos os 18 anos e posuír unha das seguintes certificacións académicas: graduado escolar, ter superado primeiro e segundo da ESO e contar co certificado de escolaridade.
