A organización solidaria ABAS quere fortalecer aínda máis a súa liña de acción na nosa comarca, e, por esta razón, fará un chamamento á cidadanía para incrementar as fileiras de voluntariado colaborador con vistas ao desenvolvemento dun programa de reforzo educativo dirixido aos e ás menores de familias en risco de exclusión social. Levarase a cabo en dúas localidades, A Pobra do Caramiñal e Ribeira.
É obxectivo desta entidade é traballar no local (sen perder de vista o global) para xerar unha sociedade máis xusta e igualitaria, poñendo o foco no potencial da docencia para axudarnos a salvar todo tipo de obstáculos. O devandito programa para que o buscan voluntariado xorde precisamente deste convencemento: “Cremos que non estamos en igualdade de condicións cando por motivos determinados, especialmente económicos, non todo o mundo pode acceder a unhas clases que complementen o traballo feito nas aulas”.
As persoa que estean interesadas en participar nesta iniciativa poden contactar no enderezo electrónico coordinador.abas.asoc@gmail.com. A organización lembra que tamén se aceptarán doazóns de quen desexe colaborar economicamente con este proxecto (pódese solicitar o número de conta mediante o mesmo correo electrónico”.
