Nunha semana de curso 13 estudantes da Universidade de Santiago deron positivo. É unha porcentaxe do 0,05% xa que a USC tiña o curso pasado máis de 25.000 alumnos matriculados e, ademais, non hai ningún brote.
A área sanitaria de Santiago- Barbanza sube en seis casos e chega ós 583 positivos. Hai 36 hospitalizados (35 Hospital Clínico de Santiago: 6 deles en Unidades de Críticos + 1 no Hospital La Rosaleda). Pacientes curados: 3.041.
PCR realizadas: 72.249
Respecto a Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.353, deles 999 son da área da Coruña, 552 da de Lugo, 743 da de Ourense, 811 da de Pontevedra, 512 da área de Vigo, 583 da de Santiago, e 153 da de Ferrol. Do total de pacientes positivos, 32 están en UCI, 210 en unidades de hospitalización e 4.111 no domicilio.
Polo de agora, en Galicia hai un total de 18.534 persoas curadas, rexistrándose 731 falecementos. A última persoa falecida nun centro hospitalario foi un varón de 61 anos, que estaba ingresado no HULA, e presentaba patoloxías previas. O número de PCR realizadas é de 469.694.
