A Policía Nacional desarticula dous puntos de venda de drogas en Ribeira

07 Setembro 2020


Axentes da Policía Nacional adscritos á comisaría de Ribeira, procederon, durante a pasada fin de semana, á detención de dous homes como presuntos autores de senllos delitos contra a saúde pública, na súa modalidade de tráfico de drogas.
En primeiro lugar, no marco dun dispositivo establecido para a prevención do tráfico de drogas na localidade de Ribeira, os axentes participantes no mesmo procederon á interceptación e identificación dun home , localizándolle entre as súas pertenzas, 19 bolsitas termoselladas que contiñan no seu interior uns 14 gramos de cocaína, varias carteiras que contiñan 52 gramos de hachish, diñeiro en efectivo e un teléfono móbil, procedendo á súa detención. O detido é veciño de Ribeira, de 55 anos de idade e cónstanlle diversos antecedentes.
Por outra banda, posteriormente, no marco doutro dispositivo similar ao anterior, nunha zona onde se tiña coñecemento de que se trapicheaba con drogas, axentes da Comisaría, procederon á identificación e cacheo dun home, localizándolle entre as súas pertenzas varios anacos de hachish dispostos para a súa venda, que arroxaron un peso de 14 gramos, 170 euros en efectivo en billetes de diverso valor, e un teléfono móbil, procedendo á súa detención.

O detido é veciño de Ribeira, de 23 anos, constándolle diversos antecedentes. Tras tramitarse as correspondentes dilixencias policiais, dáse conta de todo o actuado ao Xulgado de Instrución de Garda, poñendo aos detidos á súa disposición.
Con estas dúas detencións, danse por desarticulados dous puntos de venda
de drogas na cidade.

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....