A morte dunha muller pola COVID-19 eleva a 686 os falecementos en Galicia, cinco novos este domingo

13 Setembro 2020

A morte dunha muller de 95 anos diagnosticada de COVID-19 no Hospital Polusa, en Lugo, elevou a 686 o cómputo total de vítimas que deixa a pandemia do coronavirus en Galicia.

O falecemento nas últimas horas desta nonaxenaria, que contaba con patoloxías previas supón o quinto notificado na xornada deste domingo. Previamente, informouse doutras catro mortes. Tres delas rexistráronse no Hospital Lucus Augusti de Lugo ( HULA): unha muller de 82 anos procedente da residencia DomusVi Lugo, en Outeiro de Rei; un home de 77 anos usuario do xeriátrico do Incio; e unha muller de 87 que non tiña vinculación con ningún centro.

Ademais, Sanidade notificou a morte dunha muller de 95 anos que permanecía ingresada con coronavirus no Complexo Hospitalario Universitario de Vigo ( Chuvi). Desde o comezo da ‘nova normalidade’, o número de pacientes falecidos coa enfermidade en Galicia é de 67 persoas, tras a morte dunha muller o 7 de agosto. Antes diso, a Comunidade encadeara case dous meses –desde o 10 de xuño– sen decesos relacionados co coronavirus.

O maior balance de falecidos dos últimos meses notificouse o pasado mércores, cando Sanidade informou dun total de sete. A última vez que se superou esta cifra foi o pasado 5 de maio, con nove decesos.

A área sanitaria de Santiago-Barbanza rexistra 670 positivos, nove menos que onte. O número de hospitalizados sube en cinco e son xa 33 no Clínico, dous deles en críticos. O número de paciente curados elevase a 2.393 e realizaronse 69.372 PCRs.

Outros artigos

AMBAR abre as inscricións para a 10ª Carreira pola Diversidade

A Asociación AMBAR das Persoas con Diversidade Funcional, con sede e actividade na nosa comarca, xa ten abertas as inscricións da 10ª edición da súa Carreira pola Diversidade. Celebrarase o domingo 14 de xullo ás 10:00h na explanada de Coroso, Ribeira. Trátase dun...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...