A dinamización do parque empresarial de Rianxo unha das prioridades de “Chan Empresarial do Atlántico”

22 Setembro 2020

A xerente de “Chan Empresarial do Atlántico”, Beatriz Sestayo, desprazouse
este martes a Rianxo , para analizar, xunto co alcalde, Adolfo Muíños, novos proxectos de desenvolvemento socioeconómico e creación de emprego, ante o interese que suscitou en distintos ámbitos empresariais.

Con este obxectivo, Beatriz Sestayo e Adolfo Muíños tamén visitaron o
polígono, que proximamente sumará unha nova empresa, tras a venda en agosto dunha parcela de 1.152 metros cadrados.
A dinamización do parque empresarial de Rianxo é unha das prioridades de “Chan Empresarial do Atlántico”, segundo transmitiu Beatriz Sestayo,
que no transcurso da visita informou ao rexedor “do interese que está
a suscitar no ámbito empresarial, #ante a súa excelente localización e as
oportunidades de negocio que expón”.
No caso concreto de Rianxo “SEXA” bonifica o 10% do prezo establecido de venda de parcelas no caso de que se adquiran máis de 6.000 metros cadrados de superficie. Na actualidade, Rianxo conta con 16 empresas, entre as que se atopan Cortizo, Transagonza, Proafer, Metais Taragoña, A
Cambra ou Talleres Milocho.

Situado nun municipio eminentemente costeiro, o polígono de Rianxo conta cunha superficie bruta de 317.728 metros cadrados e neta de 200.156, e con excelentes comunicacións a través da Autovía do Barbanza (AG-56), a Autoestrada da Atlántico AP-9 e a N-550.

Beatriz Sestayo e Adolfo Muíños visitaron o
polígono

CHAN EMPRESARIAL DO ATLÁNTICO
Chan Empresarial do Atlántico xestiona 13 parques empresariais en Galicia,
que suman máis de 4 millóns de metros cadrados, situados nas provincias de Lugo –Monforte de Lemos, Mondoñedo, Chantada e Rábade—, da Coruña –Malpica, Vimianzo, Cee, A Laracha, A Pobra do Caramiñal, Muros e
Rianxo—e de Pontevedra –Vilanova de Arousa e Catoira- e nos que se asintan máis dun centenar de empresas.
Chan Empresarial do Atlántico, S.L., S. M.E., é unha sociedade participada nun 83,44% polo Ministerio de Transportes, Movilidad e Axenda Urbana, a través de Sepes; nun 14,26% pola Consellería de Medio Ambiente da Xunta de Galicia, a través do Instituto Galego da Vivenda e Solo; nun 1,65% por ABANCA e un 0,65% pola Xunta, e creada co obxectivo de desenvolver e comercializar parques empresariais en Galicia

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....