O Concello de Ribeira informou de que as e os estudantes que o desexen xa poden solicitar cadanseu bonos bus para desprazarse ás cidades universitarias galegas. Como requirimentos desta iniciativa de descontos para estudantes de campus galegos e de ciclos formativos, deberán estar empadroadas ou empadroados en Ribeira e cursar ensinanza oficial regrada que non se poida estudar no municipio. Os destinos son Santiago, Lugo, A Coruña, Ferrol, Ourense, Pontevedra e Vigo:
Os talonarios de viaxes retiraranse nas respectivas empresas previa presentación da autorización previa expedida polo Concello.
Para solicitar o desconto cómpre enviar un correo a normalizacion@ribeira.gal incorporando unha solicitude cuberta que se pode descargar da páxina web www.ribeira.gal, ademais dunha copia da matrícula do curso 2020-2021 e unha copia do DNI.
A xeito de aviso, o Concello recorda que quen o curso pasado tivera mercado bonos bus de Arriva e aínda teña viaxes por gastar, debe reclamalos á empresa para que as viaxes fiquen ao seu dispor ata decembro. A reclamación pode facerse a través da web de Arriva; unha vez nesta páxina principal prémese en Tarxetas COVID (unha lapela vermella) e cúbrese e envíase o formulario. Quen aínda teña viaxes non debe solicitar de novo o desconto do Concello ata que estea a piques de rematalas. Para calquera dúbida, escribir a normalizacion@ribeira.gal.
