O último balance da Consellería de Sanidade sobre a evolución do virus na área sanitaria de Santiago informa do falecemento dun home de 88 anos, que estaba ingresado no CHUS. Trátase da cuarta vítima mortal desde que comezaron os rebrotes.
Segundo a área sanitaria rexistraronse 37 contaxiados máis nas últimas horas, o que eleva o número a 627. Deles, 29 atópanse hospitalizados -27 no Clínico e dous no HM A Rosaleda. Cinco deles presentan os síntomas máis graves e tiveron que ser ingresados na unidade de coidados críticos, un máis que onte.
Sobre o número de altas hai 35 curados máis na última xornada polo que a cifra total ascende ao 2.800. Polo que se refire ao balance de PCR, as cifras seguen en aumento con 697 nas últimas horas, polo que xa se achegan aos 67.100.
