Os falecidos soben a 641 en Galicia tras a morte dunha muller de 93 anos, contaxiada no brote do Incio.
Trátase dunha muller que permanecía ingresada no Hospital Universitario Lucus Augusti ( HULA) que faleceu este domingo, polo que a cifra de mortes vinculadas coa pandemia durantea fin de semana chega a 5 na Comunidade.
Fontes dos departamentos de Sanidade e Política Social confirmaron que a muller, con patoloxías previas, procedía da residencia do Incio, que foi intervida pola Xunta tras detectarse un numeroso brote, que afecta na actualidade a 117 persoas –90 usuarios e 27 traballadores–.
En concreto, trátase da sexta vítima mortal vinculada co brote rexistrado neste centro, tras a morte o sábado dunha muller de 83 anos que estaba tamén ingresada no HULA.
Ao longo desta fin de semana notificáronse un total de cinco falecementos de persoas diagnosticadas coa COVID-19, tres deles o sábado e dous máis este domingo.
Na área sanitaria de Santiago- Barbanza rexistraronse nas últimas 24 horas 67 novos casos positivos o que eleva a 540 os casos activos na zona. Aumentan tamén os hospitalizados a 7, cinco no Clínico e 2 na Rosaleda. Hai 1.903 curados e realizaronse 51.087 PCS. Mentres segue o cribado de mestres nos hospitais do Complexo Hopitalario de Santiago e do Barbanza.
