Nunha empresa de A Pobra rexistraronse tres posivos segundo informa o SERGAS. A Consellería de Sanidade informa que profesionais de enfermería acudirán este mércores a unha empresa da Pobra do Caramiñal para facer probas a todo o cadro de persoal, máis de 200 persoas, tras a aparición de tres casos positivos.
Por outra banda o brote rexistrado no Centro Postal de Tratamento Autorizado de Correos en Lavacolla, en Santiago de Compostela, elévase a 12 casos positivos en coronavirus; mentres que os contaxios vinculados a outro brote en Santa Comba xa ascenden a 28. Na xornada de onte catro profesionais de enfermería desprazáronse a este centro de traballo para realizar probas a 86 traballadores.
Ante a aparición de seis positivos este martes a área Sanitaria de Santiago informou de que os casos se elevan a 12. Pola súa banda, estas fontes precisaron que o brote familiar de Santa Comba alcanza xa os 28 casos activos con COVID-19, segundo as cifras actualizadas deste martes.
Salientar que 293 persoas analizadas na residencia Volta do Castro dan negativo tras o positivo dunha traballadora da xornada de onte.
