Esta semana vaise presentar en Porto do Son un pormenorizado achegamento á notábel presenza da salgadura no concello, unha das actividades económicas (a industria do salazón impulsada en boa medida polos industriais cataláns), de meirande importancia histórica, social e produtiva no noso litoral. Estamos a falar do libro A salga no Son, de Santiago Llovo Taboada, achegado ás librarías por Andavira Editora.
Será unha presentación con dous tempos e dous escenarios: a primeira cita será este 18 de agosto ás 18.00 horas na Casa da Cultura de Porto do Son. Dous días máis tarde darase a coñecer en Portosín, ás 20.00 horas na Casa da Cultura de Portosín.
Intervirán nas dúas citas, amais do autor do libro, a conselleira do Mar, Rosa Quintana, o alcalde Luis Oujo e máis Lucila Ventoso, editora de Andavira.
