Ribeira renovará o pavimento da rúa Manzanares nun tramo de 110 metros

06 Agosto 2020

O Concello de Ribeira aprobou o orzamento necesario para proceder á renovación da histórica rúa Manzanares na cidade de Santa Uxía ao longo dun tramo de 110 metros.
A frecuente rotura das lousas de granito do pavimento actual —ocasionada sobre todo polo tránsito de vehículos— obrigan a que a brigada de obras teña que acudir cada pouco a arranxar estas eivas, razón pola cal se decidiu no Executivo substituír este material por un máis resistente formigón pulido (intercalado con franxas de granito tal e como se está a facer noutras rúas da cidade) no que atinxe á capa de rodadura. Consérvanse as lousas de granito nos laterais e as que estean en mal estado serán reparadas.
A zona de actuación comprende entre as prazas de Compostela e Pontevedra e o orzamento da actuación ascende a 9.500 euros. Será executado pola brigada de obras nos próximos días, unha vez sexan
notificados os veciños afectados e en especial os que dispoñen de vehículo a motor.
Acceso a garaxes
Neste último sentido, habilitarase un acceso alternativo para entrar e saír dos garaxes a través da praza de Pontevedra.

Rúa Manzanares, Ribeira

Outros artigos

Adxudicada a pavimentación da rúa Lorenzo Mariño de Aguiño

O Concello de Ribeira vén de adxudicar a pavimentación da rúa Lorenzo Mariño na parroquia de Aguiño, cun orzamento de 132.225 euros e un prazo de execución de 2 meses. Segundo explican fontes do Consistorio, a rúa Francisco Lorenzo Mariño é unha das vías con mais...

+

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...