O Concello de Ribeira informa de que, tal e como estaba previsto, no día de hoxe martes 18 de agosto deron inicio as obras de renovación da pavimentación na rúa Manzanares ao longo dun tramo de 110 metros.
Neste senso, cómpre lembrar que a frecuente rotura das lousas de granito do pavimento existente —rotura ocasionada especialmente
polo tránsito de vehículos— obrigaban a que a brigada de obras tivera que acudir con frecuencia a arranxar estas eivas, razón pola cal se decidiu no Executivo substituír este material por un máis resistente de formigón pulido na capa de rodadura destinada a vehículos, intercalándoo con franxas de granito tal e como se está a facer noutras rúas da cidade. Consérvanse as lousas de granito situadas nos laterais.
A brigada municipal de obras é a que se encarga desta que comprende entre as prazas de Compostela e Pontevedra. O orzamento da actuación ascende a 9.500 euros.
