A regueifa galega, a arte de retrucar oralmente en xeiras de improvisación entre varias persoas, segue viva e nas súas máis modernas manifestacións chámase free style, que é a arte de improvisar a través das técnicas e metodoloxías propias do rap e doutras expresións. Quen queira mergullarse nesta nova arte urbana non ten que ir moi lonxe da nosa contorna, porque este xoves 27 de agosto celébrase no Pazo de Rianxiño (Rianxo) un Obradoiro de free style en galego. Será impartido, ao abeiro do programa Ceibarimas, por Frank MC, do grupo de rap Rebeliom do Inframundo.
No obradoiro poderán participar até 15 persoas. Celebrarase en horario de 18.00 a 20.00 horas. Quen queira participar pode formalizar a inscrición a través da web do programa galego Ceibarimas ou ben na páxina do departamento de Xuventude Rianxo.
Segundo clarifica a Wikipedia sobre estas novas correntes artísticas orais, o termo freestyler define a aquela persoa que destaca improvisando, aínda que xeralmente utilízase o termo MC. A diferenza entre os dous termos radica en que o freestyler unicamente encárgase de improvisar, mentres que o MC pode rapear e improvisar.
