O obradoiro de engalanamento de azulexos prosegue a súa xira polos nosos concellos, logo das citas de Ribeira e máis de Rianxo. A seguinte parada deste curso será Boiro, onde a área de Cultura, en colaboración coa Xunta, organiza unha nova edición do taller os días 10 e 11 de agosto, ao abeiro do Plan de reactivación dos sectores culturais turísticos fronte aos efectos da COVID (Fondo de Proxectos Culturais Xacobeo 21). O curso Os Azulexos na Ruta Xuta Xacobea do Mar de Arousa concluíra coa colocación dun mural cos ditos materiais de recubrimento nos tres devanditos concellos.
Como dixemos, en Boiro o curso vaise facer os días 10 e 11 de agosto, en horario de 10.00 a 14.00 horas, na Casa da Cultura, e a colocación do mural será o día 12. A actividade é gratuíta, está pensada para todos os públicos a partir de 12 anos e ten un número máximo de 15 participantes. As inscricións poden facerse no enderezo electrónico cabodecruz@boiro.org ou no teléfono de contacto 981 84 78 59.
