A Concellaría dos Deportes da Pobra do Caramiñal vén de comunicar novidades ao abeiro do seu plan para mellorar este ano as instalacións deportivas locais. Entre as actuacións previstas inclúese a optimización do alumeado no Polideportivo da Tomada, unha iniciativa que foi xestionada dende a Concellería dos Servizos Municipais, que, grazas ao aforro propiciado por terse trocado o alumeado urbano municipal (proceso financiando polo IDAE), procedeu a colocar 20 luminarias LED no dito complexo deportivo.
O obxectivo esta actuación foi ofrecer aos usuarios e usuarias do pavillón unha mellor iluminación mentres realizan a súa actividade, ademais de supoñer un aforro enerxético e repercutir a nivel económico e medioambiental. As obras de instalación foron realizadas polo corpo de electricistas municipais e concluíron a finais da semana pasada. Segundo informa o Concello, os novos focos foron adquiridos pola Administración local por un importe de 4213’64 euros con cargo aos orzamentos municipais.
