O BNG de Ribeira esixe pór solución definitiva ás eivas de saneamento nos Mosqueiros e Os Areeiros

20 Agosto 2020

O BNG de Ribeira trasladouse este xoves 20 de agosto ás praias de Castiñeiras e Aguiño para esixir, nas súas palabras, “a solución dos problemas detectados no sistema de saneamento nas zonas de Mosqueiros e Areeiros”. A iniciativa, rexistrada no Concello, foi debullada nos seus detalles polo concelleiro Luís Pérez Barral, que lembrou a postura crítica da agrupación coa infraestrutura da EDAR dende as súas orixes, poñendo o foco nas conducións que levan os residuos urbanos até a estación depuradora, “polo que apoiamos á veciñanza e fixemos traballo propio con alegacións e propostas alternativas”.

Detallou Pérez Barral que en xuño do ano 2017 pediron que o aliviadoiro sito no río Listres “puidera ser canalizado sen que provocase problemas de cheiros á veciñanza, nin problemas aos mariscadores do lugar”. A partir de aí, e até decembro de 2019, o concelleiro recordou que o grupo presentou “numerosas iniciativas para demandar solucións neste río polas verteduras, polos constantes movementos de area e falsas canalizacións do río que fixeron diferentes administracións sen que nada dese resultado”.

O río Listres na súa desembocadura nos Areeiros

Segundo declarou o voceiro, Xosé Vázquez Cobas, o 20 de febreiro do 2018 na acta de reunión de Seguimento de Incidencias Asociadas a Implantación e posta en marcha das instalacións da EDAR, a preguntas da representación veciñal, recóllese textualmente que “o alcalde indica novamente que se solicitará esa autorización a Costas do Estado, dándolle prioridade coma mellor solución á canle natural”. Vázquez Cobas lembrou que nas obras do remanente dese ano “figura o acondicionamento da canle do río Listres cunha dotación de 29.800€” e que anos despois, “cando se aproba a cesión de todo sistema EDAR ao Concello”, o BNG “volve solicitar que se lle dea solución á canalización do río”. Para Vázquez Cobas “o desleixo do goberno local é total” pois “no medio quedan verteduras, escritos, iniciativas e protestas polo deterioro da desembocadura do río que chegan até o día de hoxe”.

Segundo fixeron saber, o problema non só se detecta no río Listres e nos Areeiros, xa que “na mesma parroquia de Castiñeiras existe un grave problema que provocou mobilizacións da veciñanza e a denuncia por parte do BNG ante o SEPRONA en agosto do ano 2016”, e que viñeron motivadas en boa medida polos rebordamentos de pluviais mesturados con fecais.

O BNG apela aos outros grupos da Corporación Municipal a apoiar esta iniciativa na que piden que o Concello de Ribeira “realice as obras necesarias, de maneira prioritaria e urxente, para solucionar os problemas detectados no saneamento no río Listres e nos Mosqueiros que teñen incidencia no medio mariño, nas praias e no benestar da veciñanza”.

Outros artigos

O Concello de Ribeira celebra o Día da Bici este domingo 2 de xuño

O concelleiro de Deportes de Ribeira, Xabier Vidal, presentou este luns os detalles da celebración local do Día da Bici, programada para este 2 de xuño. Fíxoo na compaña de xunto a Javier e Moncho Sampedro e lembrando que o obxectivo é fomentar o uso do vehículo...

+

Publicidade

Revista en papel

Opinión

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...

“Mi Buenos Aires querido…”. José Castro López

“Mi Buenos Aires querido…”. José Castro López

Mientras escribo suena “Mi Buenos Aires querido” en la voz de Carlos Gardel, elinmortal interprete del tango, la expresión artística única que refleja la identidad deArgentina y de su gente.Mi primera noticia de Buenos Aires se remonta a la ya lejana infancia cuando...