O BNG celebra este venres o Día da Galiza Mártir

O Bloque Nacionalista Galego (BNG) da Pobra celebra este venres 21 de agosto, con diversos actos programados a última hora da tarde, o Día da Galiza Mártir, unhas conmemoracións que foron adiadas previamente polo mal tempo. A axenda de hoxe comeza ás 20.30 horas cunha ofrenda floral na rúa Alexandre Bóveda, no cruzamento con San Roque.

Máis tarde, ás 21.00 horas, presentarase no Museo Valle-Inclán o libro Meirás: un pazo, un caudillo, un espolio, escrito por Carlos Babío Urkidi.