Un home de 66 anos que estaba ingresado no Complexo Hospitalario Universitario da Coruña (CHUAC) faleceu este domingo con COVID-19, polo que a cifra total de mortes sitúase en 633 na comunidade. Sanidadeinforma que esta persoa, que presentaba patoloxías previas, dera positivo por coronavirus.
Esta fin de semana coñecéronse en Galicia cinco falecementos, catro deles comunicados este sábado. Trátase dos casos de dúas mulleres, de 91 e 89 anos, ingresadas tamén no CHUAC; o dun home de 92 anos na residencia Orpea de Culleredo; e o doutro home de 68 anos que era usuario da residencia do Incio, pero estaba ingresado no Hospital Lucus Augusti.
Con estas, son 14 as mortes rexistradas en Galicia nos últimos 17 días. O dunha muller de 91 anos o pasado 7 de agosto en Ourense foi o primeiro falecemento en Galicia desde o inicio da ‘nova normalidade’.
No que se refire á área Santiago-Barbanza hai 212 positivos ( tres hospitalizados, 2 no CHUs e 1 na Rosaleda). Os casos de Melide suben a 42 e o brote de santa comba chega a 15 positivos. Hai 1.864 curados e realizaronse 45.462 PCR
