Dúas menores e un adulto resultaron feridos tras unha colisión na que se viron implicados outros tantos vehículos en Porto do Son.
O 112 Galicia tivo coñecemento do suceso a través da chamada de alerta dunha persoa particular na tardiña de onte.
En concreto, indicou que había dúas menores entre os feridos dunha colisión múltiple que se produciu ás 20:00 horas de onte no lugar da Arnela, en Porto do Son. Así, desde o 112 Galicia, solicitouse a intervención dos profesionais de Urxencias Sanitarias de Galicia-061 que, unha vez que prestaron os primeiros coidados, as cativas puideron ser trasladadas ao centro médico máis próximo polos seus familiares. Sen embargo, o adulto, con dor na columna, foi evacuado en ambulancia. De feito, necesitou a axuda dos Bombeiros de Ribeira para saír do vehículo e evitar, deste modo, agravar a súa situación.
Ademais de sanitarios e bombeiros, o persoal do Centro Integrado de Atención ás Emerxencias de Galicia pediron a colaboración dos axentes da Garda Civil de Tráfico e da Policía Local, así como dos voluntarios de Protección Civil da localidade.
