Forzas da benemérita e a Policía Local da Pobra interviron nun establecemento hostaleiro localizado na praia de Cabío tras recibir o aviso de que un grupo de menores estaban a consumir alcol e estaban a arroxar vasos a unha leira próxima.
Ao acudir os municipais comprobaron que se estaba incumprindo tamén a norma de aforo con clientes sen máscara.
A policia local pobrense informou tamén de que esta pasada madrugada puxeron varias multas a mozos de mediana idade que se atopaban nos xardíns Valle-Inclán e nas rúas adxacentes bebendo e fumando sen respectar a distancia de dous metros.
