Con gran asistencia de público o Teatro Elma de A Pobra acolleu a presentación do libro “A que cheiran as cores? do investigador, científico e divulgador Juan Casto Rivadulla Fernández, escritor e neurocientífico do Departamento de Fisioterapia, Medicina e Ciencias Biomédicas da Universidade da Coruña e escritor
O acto comezou cunha actuación dun grupo de alumnos da Escola da Banda de Música da Pobra. Logo a concelleira de Cultura, Patricia Lojo, presentou os ponentes do acto tras agradecer a asistencia e a organización do acto.
En nome da A. C. Barbantia falou Cipriano Pose, da Libraría Ler da Pobra falando da continuidade do suplemento cultural A Voz de Barbantia, que segue a saír grazas á colaboración de La Voz de Galicia e pese aso momentos difíciles debido á COVID-19. A continuación, o psiquiatra e escritor, e tamén socio de Barbantia, Fidel Vidal, nunha amena disertación sobre a presenza da clínica na literatura, quen salientou a capacidade de Juan Casto Rivadulla para divulgar conceptos complexos con gran amenidade. Interviu logo a pediatra Araceli García Pose, quen indicou a importancia do coñecemento do cerebro dos nenos e as posibilidades do cerebro e de inculcar habilidades nos nenos. O autor, Juan Casto Rivadulla Fernández, non falou propiamente do libro, senón que a través dunha presentación interectativa coa participación do público explicou a complexidade do cerebro: “O esencial das neuronas non é o seu número, senón as interconexións entre elas”. Rematou o acto o alcalde da Pobra, Xosé Lois Piñeiro, biólogo, que asegurou ter lido o libro que se presentaba con pracer e que prometeu que a obra chegaría a todas as escolas e bibliotecas do municipio. Rematou o acto como comezou, coa intervención do grupo de alumnos da Escola de Música da Pobra a quen se lles agasallou por parte da concelleira de Cultura, Patricia Lojo, cun exemplar do libro. O autor asinou exemplares do libro.
Ademais de co autor, contouse coa presenza de Fidel Vidal Pérez (psiquiatra, escritor e poeta), Araceli García Pose (licenciada en Medicina e Cirurxía Pediátrica e médica da área das Urxencias Pediátricas no CHUAC), Cipriano Pose (socio da A. C. Barbantia e libreiro), Patricia Lojo (concelleira da Cultura da Pobra do Caramiñal) e Xosé Lois Piñeiro (alcalde da Pobra do Caramiñal).
