Na Pobra continúa o campamento de conciliación con diversas actividades

14 Agosto 2020

Un total de 40 crianzas participan actualmente no campamento de
conciliación posto en marcha no C.E.P. Salustiano Rey Eiras por parte da Concellería de Igualdade do Concello da Pobra do Caramiñal. Dito servizo funciona durante todo o verán e prolongarase ata o inicio do curso escolar. Ademais, contempla o Plan Madruga e comedor para dar maiores facilidades ás familias usuarias.
Xunto coas cinco monitoras e coordinador, os nenos e nenas, con idades comprendidas entre os 3 e 12 anos, desenvolven diversas actividades con vertente educativa e lúdica adaptadas a cada rango de idade: circo, manualidades, exercicio, charlas, etcétera. Así, cada semana traballan nun tema en concreto, abordando estes días as Olimpíadas. Do mesmo xeito, na xornada de onte afanáronse nunhas accións propostas pola área de Medio
Ambiente con motivo do programa Praias sen fume, da Xunta de Galicia.

Por outra banda, a maior parte do tempo, sempre que a climatoloxía o permite, atópanse en aularios exteriores para evitar permanecer en espazos pechados por mor do coronavirus.
Unicamente se desprazan ao interior do centro educativo para facer uso de Internet e das tablets. Estes 20 dispositivos adquiridos pola Administración local permítelles socializar a través de xogos de mesa e de lóxica, todos eles virtuais.

Cómpre sinalar que, seguindo o protocolo de seguridade establecido por mor da COVID-19, os cativos empregan en todo momento a máscara e manteñen separación.

Outros artigos

Todo preparado na Pobra para 16ª edición da Volta a Ons

A Pobra do Caramiñal, a través do Club Náutico Arousa Norte, comezou a conta atrás para a 16ª edición da Volta a Ons. A clásica regata que organiza o Club Arousa Norte, puntuábel para a Copa Xunta de Galicia, conta co patrocinio do Clínica Dr. Gonzalo López e de...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...