Non se agardan cambios significativos para o mércores, con Galicia na influencia das altas presións. Así, os ceos permanecerán pouco anubrados ou despexados en xeral, con algunhas brétemas costeiras. As temperaturas quedarán sen cambios ou con lixeiros ascensos, agas nas Rías Baixas onde descenderán pola entrada de brétemas. Rondaremos os 28 graos. O vento soprará frouxo de compoñente norte.
A partir do xoves suben de novo as temperaturas pasando os 30 graos.
