Este venres 28 de agosto celébrase no Club Náutico de Ribeira a quinta edición da Regata Escola de Vela Ramiro Carregal Rey, que nesta nova convocatoria contará coa presenza de 45 participantes (con idades comprendidas entre os 6 e os 17 anos). A saída será ás 13.00 horas e xa pola tarde, ás 16.00, celebrarase a final.
A entrega de premios está prevista para as 18.30 horas, no salón de actos do Club Náutico de Ribeira, situado no segundo andar do edificio. Contarase coa presenza do presidente da entidade, José Luis Torres Colomer, xunto coa doutros membros da directiva e máis do director da Escola de Vela e organizador o evento, Andrés Dávila.
