En Ribeira os campamentos de verán encamiñan a súa recta final

28 Agosto 2020

Os campamentos de verán que se están levando a cabo no municipio ribeirense están chegando á súa fin e, con tal motivo, a concelleira de Cultura María Sampedro estivo a visitar ao longo da presente semana as catro iniciativas adheridas ao programa de Bonos ConciliaVerán lanzado
polo Concello coa fin de subvencionar a estancia de nenos e nenas
(acolléronse ao programa un total de 82 familias) nestas actividades.
Así, logo das visitas os pasados días dos campamentos promovidos por Globiocio, Ocio Bros e Golfiño, hoxe a edil estivo no organizado
polo club Natural Sport nas instalacións deportivas do IES Número 1.
Contou coa asistencia de medio centenar de rapaces e rapazas e, como broche de ouro, hoxe deu cabida a unha actividade moi especial consistente nun taller no que os pequenos e pequenas puideron interactuar con cans da man da entidade Atletas Caninos.

A concelleira de Cultura de Ribeira cos rapaces dos campamentos de verán

A concelleira de Cultura ten previsto desprazarse tamén ao
campamento que en Aguiño está a desenvolver a sede comarcal da
Asociación TDAH Salnés. En todas as visitas agasallou aos rapaces
cun libro de Os Bolechas dedicado á Festa da Dorna.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión