O xurado do XI Premio Atlante de Gravado quere recoñecer e valorar de xeito moi especial a participación dos artistas nas penosas circunstaciancias que todos estivemos a vivir nestes últimos meses. A pesar destes feitos o número de obras presentadas segue a ser moi salientable, superando as 130 e mantendo a tendencia á internacionalización dos participantes e a
diversidades de técnicas empregadas.
En relación aos premios concedidos, o xurado decidiu deixar desertos o Premio Ramiro Carregal e o Premio Galicia, ao considerar que ningunha das obras presentadas, a pesar da súa calidade, reunía as condicións necesarias para estes recoñecementos.
No caso dos Premios Atlante, este xurado premiou a corrección e calidade técnica, a utilización de diversas texturas e o protagonismo da luz. Tamén se apostou pola linguaxe figurativa como unha parte substancial de todas as obras. Ademais, decidiuse conceder dous accesits atendendo ás mesma valoracións.
ACTA FALLO X PREMIO INTERNACIONAL DE GRAVADO ATLANTE
Reunido na sede da Fundación o xurado do XI Premio Atlante de Gravado, organizado polo Museo do Gravado á Estampa Dixital (Concello de Ribeira), formado por Alfonso Costa Beiro, Manuel Ayaso Dios, Carmen Hermo Sánchez, Isabel Pintado Palacio, Juan Monterroso Montero, José Manuel López Vázquez e José Daniel Buján Núñez, acordaron por unanimidade conceder os seguientes premios:
Premio D. Ramiro Carregal (5.000 €) – DESERTO
Premios Atlante (2.500 €, 2.500 €, 2.500 €)
Marco Poma País: Italia Título obra: SOLO Técnica: Mezzotinta, augatinta e punta seca en prancha de cobre
Germán Aparicio País: España Título obra: S/T Técnica: Augaforte
Carmen Isasi País: España Título obra: Deshabitado Técnica: Fotopolímero e chiné collé
Premio Galicia. Pedras de Santiago (2.000 €) – DESERTO
ACTA FALLO X PREMIO INTERNACIONAL DE GRAVADO ATLANTE
Finalistas — Mencións de Honra:
Mirta Gendin País: Arxentina Título obra: Nature 1 Técnica: Impresión dixital, calcográfica de 2 matrices de fotogravado
Marcin Bialas País: Polonia Título obra: Campground 2 Técnica: Augaforte en prancha de zinc
Seleccionáronse un total de 40 gravados que se expoñerán nunha das salas do museo cos premiados e os finalistas e que terá a súa apertura o 10 de outubro de 2020. Para que así conste, aos efectos oportunos, asínase no Museo do Gravado á Estampa Dixital ás 12:35 horas do 1 de agosto de 2020
